غزه الجريحه تنده عليك .. تنده عليا .. قول من عينيا .. هااجي واجيب النصر ليكي واقدمه اجمل هديه
غزه الجريحه ماده إيديها و بتناديك ما تمد ايديك خدها في حضنك ضُمها . وشيلها في عينيك غزه الأبيه ..بقت ضحيه.. للعنجهيه.. وكلاب غبيه بتاكلها هيا .. وبُكره جاي الدور عليك .
محتاجه وقفه نقفها صح ولو سكات دا العمر فات واللي باقي منه يمكن . يادوب ساعات لكن ساعات .. تحكي بطولات .. عن شعب عاش وغيره مات. في بطوله زايفه وشعارات
ياشعب صامد كلنا صامدين معاك وراك وراك بكل غالي نقدمه ... رخيص فداك إفرد يمينك .. وزيد حنينك .. بيني وبينك .. ترجع سنينك واللي معادينك .. مصيره بُكره للهلاك
غزه الجريحه تنده عليك .. تنده عليا قول من عينيه هااجي واجيب النصر ليكي واقدمه اجمل هديه بُكره الجديد .. فجره السعيد .. بأحلي عيد .. جاي مش بعيد غصن الزتون ماسكه ف ايد .. والتانيه فيها البندقيه
الأرض ليها المجد كله و الكرامه ليها الزعامه واللي يدنس أرضنا ... ليه الندامه آمين آمين .. يافلسطين .. كلنا فاكرين .. ماحناش ناسيين راجعين راجعين ... أقصي وقيامه. ـــــــــــــــــــــــــــــــــــــــــــــــــ أشرف فايز: ashfayez@hotmail.com
ليست هناك تعليقات:
إرسال تعليق