بقلم: محيي الدين إبراهيم
لو كل يوم تتظلم يبقى انت فيك .. علة
يا الخلق مستهيفينك يا مسكوا عليك .. ذلة
الظلم اصله نوعين .. قهري وغلبة دين
ظلمك بقى ياحزين من نوع مالوش .. ملة
يابياعين السبح الدين ماهوش .. سبحة
ولا قُصر ديل درويش وعباية أو .. طرحة
الدين أيمان وميزان .. والأمر بالإحسان
إنك تكون إنسان فاتح معاه .. صفحة
العيشة قالوا حرام لو عشت فيها .. سجين
تنطق بأى كلام وتناطح الطواحين
وتكون من الهلافيت .. حلمك بسيط وعبيط
وتعدي جنب الحيط .. مع شلة الخايفين
يارسامين الصور العشق مش .. صورة
ولا كل عاشق نال ولا للي نال .. صورة
ودوني أرض الهوى .. مالقيتش غير صوصوا
ولا نور ولا محتوي .. مالقيتش غير .. صورة !·
لو ملكوك الشمس .. هتقوم تخبيها
وتداري نور ربنا .. م الناس وتخفيها
لكن دوام الحال .. من مستحيل ومُحال
وإن كان معاك المال .. إوعى تسوق فيها
حريتك مش لفظ .. حريتك معنى
والعلم لو بالحفظ .. ولا يبقى له معنى
والطابق المستور .. جايله زمن ف النور
والخايف المذعور .. دايماً مالوش معنى
إللي يقول مايخافش .. لو حقه برقبته
ما العشق لو بالقفش .. راح تتحرم طيبته
وإياك من الطماع .. وإللي ف قلبه صراع
والخاين البياع .. إوعاك تخيب خيبته</p>
ولا كل عاشق نال ولا للي نال .. صورة
ودوني أرض الهوى .. مالقيتش غير صوصوا
ولا نور ولا محتوي .. مالقيتش غير .. صورة !·
لو ملكوك الشمس .. هتقوم تخبيها
وتداري نور ربنا .. م الناس وتخفيها
لكن دوام الحال .. من مستحيل ومُحال
وإن كان معاك المال .. إوعى تسوق فيها
حريتك مش لفظ .. حريتك معنى
والعلم لو بالحفظ .. ولا يبقى له معنى
والطابق المستور .. جايله زمن ف النور
والخايف المذعور .. دايماً مالوش معنى
إللي يقول مايخافش .. لو حقه برقبته
ما العشق لو بالقفش .. راح تتحرم طيبته
وإياك من الطماع .. وإللي ف قلبه صراع
والخاين البياع .. إوعاك تخيب خيبته</p>
ليست هناك تعليقات:
إرسال تعليق